 |
| السلام عليكم ورحمة الله وبركاته هدي واحد الوصفة جربتها فالمختبر ديالي اللي هو الكوزينة وصدقات ونتائج جد جد مرضية وقلت ولابد مانقولها لصحاباتي وحباباتي المقادير مقدار ديال الصابون البلدي مع نص كاس الخل وم ك بيكاربونات الصودا وشويا ديال الما باش نطلقو الصابون اكون مغلي( انا درت صابون بلدي قديم ولى سائل وبهدا استغنيت عن الما مادرتوش) الكمية على حساب المكان اللي بغا تنضفي الطريقة خلطي كلشي حتى اولي كريم ودهني بيه المكان المراد تنضيفه خليه يترقد انا كنبدى بيه الاول بينما نسالي شغالي ونحكو كيعطي نتيجة مبهرة ويمكن ديري هاد الوصفة للزليج لاموزيك ولافابو داكشي علاش قلت 3 في1 جربوها وردو عليا الخبار ولهلا احشمنا هههه |
