سلام البنات كيف راكم نتمنى تكونو كاملين فأحسن الأحوال…
جيت اليوم نشارك معاكم تجريبتي بتبييض الأسنان لي كانو معقديني والحمد لله دابا بياضو ليا وكنبتسم بكل طلاقة حتى تتبانلي ضرسة العقل ههه
كنت كنشوف بزاف ديال الحلول وبزاف ديال المواد صراحة غالية ومقديتش نغامر يخرجو ليا على سناني ونضيع فلوسي قلت نجرب واحد الحل بسيط لا معطاليش مفعول ديك ساع نجرب وربي يدير تاولين ديال الخير.
من بعد هزيت قشور البنان وحكيتهم بها شي عشرة دقايق وغسلت سنيناتي والله غير جربوها حبيباتي راه النتيجة رووووعة ورجعي عاودي نفس الطريقة الأسبوع لي من بعدو مثلا درتيها السبت رجعي عاودي الطريقة السبت الجاي وبالنسبة لقشور البنان ممكن ديريهم يوميا ماشي مشكل وغادي تفاجئي بسنيناتك لي بياضو لا بلا مواد غالية بلا حتى شي حاجة خاسرة غير درهم واحد فقط.. اوا شكاتسناو نوضو راه مغديش تسخاو تسدو فومكم من كثرة البيوضة.
