وصفة كندر دليس الحجم العائلي :
بالنسبة للجنواز5 بيضات
30 غ نشا
80غ دقيق
40 غ كاكاو مر
130غ سكر سنيدة
سكر فاني
نصف خميرة ديال الحلوى
بالنسبة للكريما :
250 غ جبنة الماسكاربون
120 غ حليب محلى مركز
2 معالق جوز الهند مبشور
نخلط الكل بالخلاص الكهربائي حتى الحصول على كريما مثل الشنتي
كلاصاج :
200غ شكلاط اسود
250 غ شكلاط خاص بالدهن انا استعملت نوتلا
2 معالق زيت نباتية
ندوب الكل فوق حمام مريم
الطريقة :
جنواز عادية نطرب البيض مع السكر سنيدة حتى يتضاعف حجمه و يصبح ابيض اللون من بعد نظيف الدقيق و النشا و الكاكاو المر الخميرة ديال الحلوى اللي نكونو غربلناهم من قبل ، نخلط من تحت للفوق غي بالشوية باش منزولوش الهواء للعجين
نفرغ العجين في لاطة مستطيلة كما في الصورة إلى الفرن 10 د
نخرج الجنواز نخليوها تبرد نقطعوها على 2 كما موضح في الصور
نسقيوها بالسيرو انا سقيتها بالقهوة
ندهن نصف الأول بالكريما كاملة ثم نغطيو بالجزء التانى نقادو الجوانب
نسقيوها بالكلاصاج دافي إلى التلاجة تبرد
ساعة على الأقل
بالصحة و الراحة
