لسلام عليكم ورحمة الله وبركاته
أكيد بزاف ديال الأخوات تيستعملوAriel فلاماشين الافي la machine a laver ومادام دبا تنحاربو المنتوجات الأمريكية واليهودية تنقترح عليكوم واحد المسحوق معروف عندنا فالمغرب وتينقي الملابس وتيخليهوم رطبين .هو صابون الكف .جاتكوم غريبة ههههههه .راه صديق الأخ ديالي خدم ف 2 مصبانات Pressing وقاليه راه تيستعملو غير صابون الكف وتيزيدو عليه 2 ملاعق ديال تيد باش يحيد ريحة الصابون .
تتحكي تقريبا نص صابونة فالحكاكة الرقيقة وتديريه فالمكان لي مولفة ديري فيه Ariel ودوزيه بالماء عاد سدي المصبنة .حنا فالدار شهر هادي باش استعملناها وصدقات روعة .تنحكو 2 أو 3 صابونات وتنديروهوم فسطيل باش تيجي الإستعمال ساهل.
