شعر جاف حرش ومعندكش وقت او ثمن الكوافورة دخلي بسرعة نعطيك الحل وبالصور

سلام عليكم حبيباتي
جبتلكم واحد الحل رآآآئع لتصفيف الشعر نتمنى تعملوا بيه هدي هي طريقتي معنديش الوقت للكوافير بصراحة مع الاولاد وشغل الدار
على بركة الله نحتاجوا لهده الاشياء جبت مونيكا ديال بنتي درت لكم عليها التجربة عندكم تظحكوا عليا بحال بناتي شي كيضحك وحدين مدابزين انا وهيا عليها هي تجر وانا نجر
ردتني بحال لعندي عامين

البانسات هدوا مزيانين كيتبتوا الباتشا ومكيشنتفوش الشعر
السشوار +زيت الدرة هدي راها رائعة للشعر الحرش +مشطة طويلة+ وميكا عادية

منين تغسلي شعرك احسن شي انا كنستعمل شامبوان ultra doux الترا دو لافوكا بالماسك ديالوا رائع
كنشفوا بالفوطة مزيان ومباشرة كندهنوا بزيت الدرة شوية وكندير الباتشا كنفرق الشعر في النصف ونقلب الجهة اليمنى على الجهة اليسرى ونتبت بالبانسات

وندير البلاستك على شعري ونعقدها مزيان وندير وحاد الثقب من الفوق قاس الفم السشوار

 

 وندخل السشوار ونشف مزيان حتى يبس ومن بعد

نقلب عاود الجهة اليسرى على اليمنى وندير البلاستيكا ونعقدها ونشف مزياان حتى يبس وندهنوا شوية بزت الدرة وشوفي النتيجة اكثر من رائعة والله العظيم

وها هي العروسة مولات السلف لحرير وجدات هههه

ياله جربوها ةدعيو معيا طريقة موفقة ان شاء الله