السلام عليكم
انا جبت ليكم وحد الوصفة كيديروها للحم الشارف للي كياخد الوقت باش يطيب و مكايطيب حتى يتقادا
المهم جات عندنا جارتنا و قالت لينا بلي كانت كتعاون وحد المراة في الطياب ديال وحد الجنازة و لقاو داك اللحم شارف وتقول واش بغا يطيب
وهي تقول ليهم وحد المراة ديرو ليه 2 تمرات وخليهم ايطيبوا مع اللحم و هما ايجاربوها و صدقات ليهم واخيراا طاب اللحم .
المهم قلت علاش مانجربوهاش وهي تجيب ماما واحد نصف كيلوا ديال اللحم شارف هارف ههههه باش نجربوا و دارت ليه 2 تمرات ودارتوا غير في
الطنجرة وطاب والى درتيه في الكوكوت مانعاودش ليك غيجي بحال الى ديال الجدي الصغير في الحقيقة مازال ماجربتوش في الكوكوت ولكن مجرد
استنتاج يعني الى طاب فى الطنجرة يعني في الكوكوت غدي يطيب اكتر . اختكم علمية .
او جربوه و ردوا عليا الخبار.
ملاحظة: التمرات كديريهم بالعظم ديالهم .
