لسلام عليكم حبيباتي
بزاف منا لي مكيبغيش يمشي الحمام ديال الزنقا وكيبغي يغسل فالدار
ولكن مع هاذ البرد كنعجزو نغسلو ويلا غسلنا كنبقاو نقزقزو بالبرد
ولهذا يا حبيباتي جبت ليك واحد الحل بسيييط وساهل
باش ما يجيكش البرد في حمام د الدار كاين اللي لاباس عليه يعمل بيت د الالمنيوم في الحمام د الدار ولكن كيتقام غالي
ديكشي لاش عندي ليك طريقة رخيصة وفعالة وكتخرجي وكانك كنت في حمام الزنقة
غادي تمشي عند اللي كيبيع ميكا بالمتر و شري عليه 3متر دميكة المدوبلا ولاصقة من الجناب وغليضة
وكتربطيها باي طريقة من فوق وخليلها شوي التنفيسة وتدخلي فيها مع كرسي صغير وبانيو وتيو كيعطيك الماء سخون
هكذا ما غاديش تحسي بالبرد وما تسكنيشي لداخل
وبالصحة والراحة
ويمكن لك تغسلي حتى للاطفال ولكن ما تعطليش بهم جربي ولا داعي للذهاب الى حمام الزنقة .
واتمنى تعجبك هاذ الفكرة
