السلام عليكم ورحمة الله وبركاتة
الا عندك الفريز بزاف شديه غسليه مزيان ونشفيه
و منين ينشف شدي صينية وستفي فيه داك الفريز وحدة بوحدة يكونو متبعدين
ومن بعد دخليه الفريكو من بعد ماتحسي بيه بدا كيتلج ورجع حجرة ههههههههه يعني من بعد 2 ساعات او 3
خرجيه وعمليه في طاسة او ساشيات بويض ودخلي تاني الفريكو
هاكدا عمر الفريز مايخسر وخا يبقى عام ومنها مكيبقاش لاصق مع بعضه
يعني الا بغيتي تهزي حتى وحدة منه تهزيها بسهولة مغديش تلقايها لاصقة
بغيتي تعملي عصير او طارطات تلقاييه كاين خصوصا انه موجود هاد الايام بكترة
هاد العملية يمكنلكم تعملوها حتى في الدجاج المقسم
متلا بغيتو تعملو كلشي في خنشة وحدة غادي تعملوه في صينية تستفوه فيها
ومنين تبغي طيبي تشهتي الصدرة او الفخد او العناق ههههه تجبدي اي حاجة بكل سهولة
من غير ماتكون لصقة مع بعضها
نتمنى نكون فدتكم تحياتي اخواتي في الله
