اجيو طيبو دجاج بلا ماء وساهل ديريه يطيب ورجعي تنعسي هههههههههه
منين ما كايكون فية لي يطيب وفية لعجز كندير هاذ الطريقة
واحد المرة مشيت لدارنا و جات خالتي عندهم و مزال مطيبو لغدا ودجاج مجمد ايوا وانا نوض ليه
درتو في كوكوط وجمعت على راحتي
ملي طاب حطيتو ومحسيتش بيه حتى كملوه خلاو غير طبسيل
كل لي غتحتاجوه هو
دجاجة مجمدة او طريفات دجاج
1 معلقة موطارد .
2 فصوص ثوم محكوكين .
عصير نص حامضة ونص حامضة مصيرة ملح .
معلقة صغيرة هريسة ولي معندهاش دير ابزار .
شوية سمن .
ومعلقة زبدة
نخلطو جميع المكونات وندهنو بيها دجاجة ونديروها في كوكوط نسدو عليها و نخليوها طيب على نار مهيلة
لمدة نص ساعة و نحلو وندير دجاجة على صدر ديالها نحركوها ونشوفو واش طابت لكان مزال نخليوها طيب 15 دقيقة
ونقدموها بالصحة والراحة
