وصفة واعرة والله ماتندمي الى دخلتي ..دخلي تستفدي البنات انا غدي نعودلكم على تجربة نتاعي مع الخلطات اولا انا بشرتي مركبة و حساسة تانيا عمر شي حاجة ماصدقتليا بسبب هاد الحساسة ستعملت كاع المنتوجات الغالية و رخيصة و حتى الخلطات و وجهي والوووو تجربة هاد وصفة وجهي ولا فيه النور كيشعل

لبنات انا غدي نعودلكم على تجربة نتاعي مع الخلطات

اولا انا بشرتي مركبة و حساسة
تانيا عمر شي حاجة ماصدقتليا بسبب هاد الحساسة ستعملت كاع المنتوجات الغالية و رخيصة و حتى الخلطات و وجهي والوووو لاحياة لمن تنادي ههههههه

ولكن دابة الحمد لله و بفضل الخلطات لشفت في موقع لالة الحادكة وجهي ولا فيه النور كيشعل

وقبل منقول الوصفة بغيت نشكر البنات الي كتبو وصفات و فدتني صراحة معقلاشي على سمايا نتاعهم و لكن بدون استثناء تنقولهم الله يزين ايامكم و الله يعطيكم ماتمنيتو …..اميييييييييييين

المهم انا عندي وحد الحل بنسبة لبنات الي ماكيعجزوش الي فيهم شباب
يشريو من صيدلية واحد اليومادا سميتها ايكلاغون سانك تقريبا كدير 600 ريال
هدي كديريها نهار ايه و نهار لا و لكن كتحطي اليومادا فوق الحبة واكيد دواميها حتى يتقدى وجهك من الحبوب

انا كنت كنديرها ولكن العجز و مادير فيا
المهم دابة و بلا مانطول بالهضرة راكم متشوقين تعرفو

انا كنستعمل القرفة مدقوقة+صفار بيضة بلدية
لوجهي مرة في الشهر

و هدي 
و نفعتني صراحة فاش غسلت وجهي ولا حمر تخلعت ولكن هي قالت بلي ماتخلعيش هداك الاحمرار كيزول من بعد شي 15 دقيقة انا حيت وجهي حساس زال الالم من بعد 20 دقيقة و اجيو تشوفو كيف ولا وجهي مابقاش باهت ولا بيض و تنقا من البقع السودا

الوصفة تانية وهي مداومة عليها انا يوميا خديتها من عند مرات لوسي

هي عبارة على روز مطحون+ماء الورد ويمكنلك تضيفي جلسرين معلقة انا باقي ماشريتو داكشي علاش مادرتوش
ولكن نتائجها مضمونة كتعطيك صفاء للبشرة +بياض خليها فوجهك حتى تنشف و غسليا

اما الوصفة لي ماكتخطانيش هي الكمون او ماء الكمون من بعد متيغلي اتصفيه و تنديرو فقريعة و تنمسح بيه و جهي قبل مانعس

اما الوصفة الاخرى لكتنعم البشرة و متزيدها حيوية اكتر
هي العسل الحر+زيت اللوز كنستعملهوم 3 مرات في الاسبوع مع المساج للوجه

صراحى هدشي لجربت لحد ساعة وصدقلي و مضمون نتمنى تستفدو من تجربتي
نوعدكم فاش نجرب الخلطات الاخرى للجسم نكتبلكم نتيجة لعطيتني طبعا

يلا انا كنستنى منكم غير دعو معايا