3 زلايف دقيق
2 م ك نيدو
1 م ك خمارة الحلوى
4 فروماج ( لفاش كيري)
ملح و ابزار
ربع كاس زيت زيتون
ماء
للحشوة:
صلصة البيتزا
موتزاريلا
فرماج احمر
زعتر
فلفلة خضراء
ممكن طون او كفتة او فواكه البحر…
نخلطو الطحين + نيدو + خمارة + ملح و ابزار نزيدو لافاش كيري ونخلطو ونجمعو الكل بالماء و في الاخير نزيدو زيت الزيتون و ندلكوها مزيااااان ونخليوها ترتاح
وفهاد الوقت نوجدو الحشوة
ناخذ المقلة اللي نكونو مسخنينها من قبل وندهنوها بشوييييية زيت الزيتون ونطلقو العجينة عليها و العافية تكون متوسطة ، نقدرو نقلبوها يلا بغينا مي واخا منقلبوهاش راها كطيب من جميع الجوانب
منين طيب نطفيو عليها وندهنوها بصلصة البيتزا موتزاريلا محكوك ونزيدو الطون و الفلفلة خضرا مقطعة رقييييقة و من الفوق موتزاريلا مخلط مع فرماج احمر
نشعلو على المقلة مرة أخرى ونغطيوها من الفوق ونخليوها غير يذوب الفرماج و تكون واجدة وماكاتاخدش الوقت بزاف
وهاهي بيتزا رائعة بلا فران واجدة
بالصحة او الراحة.
